PRECATORIAE Sphaerulae

PRECATORIAE Sphaerulae

seu calculi, quibus Christianorum nonnulli in precando utuntur, Petrum Ercmitam auctorem habent, vide ibi. Earum meminit Polydorus Virgilius de Invent. rerum, l. 5. c. 9. ubi inquirens, quis primus orandi modum docuerit, post quam egit de oratione Dominica, ex Ruffino, ostenditque modum, ex verbis Domini, Iohann. c. 4. v. 24. haec postea subdit, de more in vecto, et tunc temporis iam dudum usitato: Côeterum, ut rationem cum Deo habere possemus, quoties ipsam dominicam precem cum Angelica salutatione recitar emus, est modus orandi postremô inventus, per calculos, ut ita dicam, ligneos, quos modo preculas, modo Paternostros vulgus appellat. Hi numerô quinquaginta quinque ita ordine distinguuntur, ut post denos singuli maiusculi affigantur filo, sunt enim perforati et, quot hi sunt, toties Dominicam precem; quot illi, toties Angelicam salut ationem, ter numerum ineundo recitent, terque symbolum brevius inferant. Et id Deiparae Virginis Psalterium nuncupant —— Hodie tantus honor eiusmodi calculis accessit, ut non modo ex ligno, succino et corallo, sed ex auro argentoque fiant, sintque mulieribus instar ornamenti et hypocritis praecipui fucosae bonit atis instrumenti. Hactenus ille. Vide quoque infra in voce Rosarium. Simile quid de Tunquinen sibus legimus, apud Io. Bapt. Tavernier Descr. huius Regni, sed calculos illorum centenos esse, scribit Auctor.